libere transmittes tum ictibus, tum vero punctionibus ex mucrone longiori, et ea ratione adversarius cogetur, ut tibi sit concessum, strenue contra ipsum habitus quosuis usurpare non citra ipsius corporis detrimentum.
Usus strabonis. alius contra mucronem longiorem
Eum habitum hoc modo exerceas, Si ad hostem prope concesseris, et is contra visum tuum vel pectus porrigat ensem, tu dextro humero ensem adiunctum contineas, versumque mucronem oculos limes convertas, post simulato, quasi eo ferire voles, Verum fortiter ex eo ictu qui nobis strabo dicitur praemissa acie brevi, gladium eius ferias, inde vero mucronem longiorem versus hostis collum addito progressu dextri pedis propellito.
Habitus. quo manus adversarii feriuntur.
Si adversarius contra te consistat in habitu longioris mucronis, et tu ferire eius manus cupias, tum quasi Strabone faciem vel caput concutere velis, simulato verum mutato animi proposito manus inde saucies.
