Page:MS 3227a 36v.jpg

Das ist von hende drücken/ etc etc

DEyn sneide wende ·
czum flechen drücke dy hende /
Eyn anders / ist wenden ·
eyns winden · das dritten hengen /
Wiltu machen vordrossen ·
dy vechter / zo drucke mit stössen /
·Ober dy hende /
hewstu hewet man snete behende /
Czewch och dyn snete ·
oben aus öber dem hewpte /
·Wer hende drückit /
ane schaden / vor finger czückit /

¶ Auch wisse / als bald / als du mit dem wenden / eyme eyn haw ader stich / abe wendest / zo saltu czu hant czu treten / vnd rischlich dar varn czu eyme / wy leichte du dich last vnd zümest / zo nymstu schaden

¶ Auch merke vnd wisse / das man mit der vördern sneiden des swertes / vom mittel der selben sneiden / bis czu deme gehilcze / alle hewe ader stiche abewendet / Vnd · e · neher eyme / eyn haw ader stich czu syme gehilcze kumpt / of der selben sneiden / mit deme als ^her im gewendet hat dy selbe vörder sneide / · e · bas / vnd · e · kreftiger / her dy selben hewe ader stiche / abewenden mag / Wenne · e · neher czum gehilcze · e · sterker vnd · e · mechtiger / Vnd · e · neher / czum orte / · e · quesw [?] · e · swecher vnd · e · krenkher / Dorüm wer eyn guter fechter wil seyn / der sal vör allen dingen lernen wol abewenden / Wen mit dem das her wol abewendet kumpt her czu hant yn dy winden / aus den her wol kunst vnd höbscheit mag treiben dez gefechtez /

¶ Dy vörder sneyde / am swerte · heist dy rechte sneide / vnd alle hewe ader stiche sint vortorben mit dem wenden