Hie hebt sich an fechten mit dem degen
WEr do wil fechten lernen mit deme degen · der sal merken vnd wissen / daz daz swert vorne gespiczt sol sein solsein vnd ist gesehen in allexandria
[An dieser Stelle befindet sich – in dunklerer Tinte – eine lateinische Einfügung.]
¶ Der degen / ader das kurcze messer das czu kamp stiche · keyn dir gestalt vnd gericht / ist / das saltu mit dyner linken hant / mit yngrif(?) aus winden / alzo das du im syn arm begrif mit dyner linken hant / vnd das dir syn messer ober dyme arme sey / zo wend im den arm mit dem messer öm / zu muss her is lassen
¶ Auch mag eyner das winden eyme fyerley er (?) das weren /
¶ Czum ersten / wen im eyner alzo mit der linken hant noch dem messer greift zo sal her den ort lassen of gen / yn dy hö alzo das her mit vorworfner hant daz messer vm keret vnd den ort of / zo ist ienes winden alles vorlorn / vnd du magst dy weyle tuen was du selber wilt /
¶ Czum ander mol / wen im eyner greift noch dem messer als vor / als balde als her das nur merkt / zo rükke her vnd czihe syn messer rich risch
