¶ Merke Ringen in czulawfen mancher wezen vnd geverte / meister lichtnawers / vnd das ist gar swer vnd unbedewtlich / wen das das ist sein zete gewest / dorvm das ist nicht yderman vorneme / der is wörde lezen
¶ Das erste geverte gut ist do mite suche alle mol deine list / wy her gevalle alle mol / höer was ich lere / wenne her lewft czu dir / zo merke / daz du en stozest von dir / czu peiden zeiten / alle mol lere schreiten / stozen vnd winden / mache blözen do man mite windet vnden czur zeiten / Peide peyn vorsetczen / vnd hende brechen / wo her dich an greift / zo winde deine hende vm syne / vnd syne müßen denne gleiten / oben vnden öberal / do mite machstu im einen val / Wen her an dy achsel greift harte / zo machstu / vnd salt nicht / anders tun / wenn du salt deine / hende / legen die twere legen / ober syne drücken / vnd in dem selben drücken / dyne hende von eynnander czücken / vnd syne weg drücken
¶ Dornoch vnd dorof / gen sechs vallen ader wezen / alle mol pein vorsetczen / ader nicht / wy du selber wilt / vnd las dy hende endelich gen / ader lang fan wy du selber wilt / zo ist es als eyns / Doraus das erste merke / das du en mögst üm greiffen / vnd dyne hant an syn hercze drucke / vnd eyn peyn vorsetcze / zo wurfstu en ober daz selbe peyn mit sym ganczen leybe
¶ Das ander get noch dem broche / alzo daz du mögst an synen elbogen greifen / vnd eyn peyn vorsetczen / vnd en ober das selbe peyn geworfen
¶ {{r!|D||as dritte get aus dem broche / wen her of gewirft die hende / zo mag her sy wol drucken / mit eyn peyn vorsetczen vnd vorsich stozen mit ganczer kraft / vnd syne hende / mit dynen henden oberrücke hin weg stoßen /
¶ Das vierde ist / wen her erste mal gebricht / dornoch var im mit dyner hant / an syn antlitz /
