Ittem schlecht Er vnnden so sennck denn knopff vnndersich gegenn der Erdenn vnnd versez zwischenn dein beidt henndt / Inn dem Er wüder Auff zeicht so fahr mit deim knopff vonn vnnden Auff zum gemecht / vnd wend Inndes die Linck henndt übersich gegenn seinn herkhumenden streich vnd sez im den Ab vnn fahr Auff mit dem gehils vnnd stich Im über sein Rechten Arm Ein zum gesicht vnnd sez im Ann ¶
Ittem gehe zum mann Inn der vnder hutt / vnnd stich im von vndenn zum ge¬ sicht / schecht oder sticht Er vnndes / so sez ab / vnnd las die Recht hanndt vom binndt vnnd würff das hinder dich / khum mit der Rechten der Lincken zu hilff vnnd schlag vonn vnnden Auff mit dem bickell zwischenn sein bein zum gerecht Ruck Als baldt mit beiden henden übersich vm den kopff vnnd schlag zu denn obern blößenn ¶
Ittem thritt zu Im In der vnnder hutt zuck vnnd thraw Im denn stich / In¬ des las dein binndt fahrenn / vnnd thrit vm sein Linck greüff mit bej¬ denn hennden Inn dein khleing / vnnd würff Im denn bürkell Inn die hüfft vnder seim Burckenn geschmeidt mit sterck In die Ring
