Page:MS A.4º.2 11v.jpg

Die Hew fier gewaltig von dem leib
zu den vier blossen dein arbeitt treib

Disser Reim begreifft zwey ding, erstlich, von hewen, zum andern von dem vier theiln des mans, nach welchen die hew gehawen werden, und merck das du alle hew mit außgestrecken armen thuest, und damit weit zum man reichest, auch so baldt ein haw von einer seitten fehl geht, so soltu von der andern seitten geschwindt dargegen hawen. Item triffestu aber ahn, und wirst gesteckt, so schag (sic) geschwind umb zur andern seitten, auch wan du zu einer bloß hawen wilt, so merck als bald er deim haw begegnet zu versetzen, so laß (wo dir muglich) nicht riren, sonder zuck frey fligendt dein schwerdt wider ab, und laß den streich zu einer andern bloß widereinfligen, wan du also mit den hewen weit von dir reichest, und nimst die thrit recht mit, so khan dir kein wechsel oder durchwechslen ahn den schilt khomen oder dir schaden so du anderst zum leib und nicht zum schwert hawest. Vom zweitten theil disses reims ist ihm ersten theil gelert. Auch wil ich in 38 Reim weitter davon schreiben, und nach mehr daselbst hin sparen.

So du Khrumb hawest fahr auff behendt
Geschrenckt den orth wurff uff die hendt

Merck der krumphaw seindt vielerley, dan was fur haw mit geschrenckten oder gekreutzigten henden gehawen werden, werden krump-