Herwiderumb so hawe den ersten ein underhaw mit einem zuthritt deines rechten fusses zu seiner undern bloß mit langer schneidt. Zuck behendt neben deiner rechten ubersich und haw den andern von oben zu seiner lincken mit einem abthrit deines lincken fusses hinder dein rechten, das du hinder deiner kling verdeckt standest.
Ein Stuck
Item zuck von deiner rechten ein hohen streich zu seiner lincken, aber in der luft verschrenck dein hendt und schlag mit halber schneid zu seinem lincken ohr, zuck deine hend wider ubersich, und schlag mit einer zwirch wider von unden zu seinem lincken ohr. Also auch herwiderumb haw die zwirch von unden zu seiner lincken mit einem zuthritt, zuck behend neben deiner rechten ubersich und stoß in eyl dein knopf under deim rechten arm durch, unnd schnel also mit geschrenckten henden wider von deiner rechten oben hinein zu seiner lincken auff disse weiß schlag es auch mit der flech unden und oben uff einer seitten zusamen, das geht zu beyden seytten und merck wan du zur rechten undern bloß schlegst es sey flech lang oder kurtz,[1] so khommen dein hend kreutzweiß verschrenckt.
- ↑ This sentence can be found in the printed book: « und merck wann du zur rechten undern Blöß schlechst, es sey flech, lang oder kurtz » (plate XXIXv from the 1570 edition)
