Page:MS A.4º.2 47v.jpg

im Rapier hernach folgt und bleibt doch der haw in grundt ein Zornnhaw oder Mittelhaw also ist es geschaffenn mit allen vier hewenn.

Weyter sol man merckenn so man der vier hew einenn durch die gehoerene Linie hawet es sey obenn oder mittel, so soll man alwegen die negst linie wider auff hawenn zur versatzung.

Also in zu fechtenn kumb ich in Stier unnd haw ein Mittelhaw durch sein gesicht mit sterck als baldt haw ich von meiner Lincke durch die under nemblich sein recht linie zu versatzung gegen seiner handt. Dweil ich bis hiher ein general Regel durch das gantz Duseken fechtenn gebenn hab, so wil ich nun zuuor und ehe ich die stuck unnd Exempel setz (welches ohn zu samen fassung Leger unnd hew, sampt den verzuckten hewenn nemblich verfurung nicht geschehen kann, die hew auffs kurtzest (welche nodtwendig) erklerenn, und ihren Bruch lernen.