Page:MS A.4º.2 50v.jpg

Nun folgen die stuck auß den Legernn sampt den hewenn, und hab mit fleiß die hew wider geoefnet wiewol es unnoetig scheindt dweil ich weitleuffig negst daruon gelehrt, und folgen erstlich die schnelhew.

Schnel hew.

Merck so du in Bogenn vor eim stehest wil er nit hawenn so zuck ubersich in die wacht sam du oben hawenn woltest, thu es aber nicht sonder verwendt in der Lufft und haw mit Langer schneidt von unden auf zu seim rechtenn Arm in eim schnal, unnd Ruck denn Dusekenn wider zu ruck gegen deiner lincken Achsel, von dannen haw ein wehr streych durch sein rechte, es sey zum Arm oder oberhalb dem Arm durchs gesicht als dan haw Creutz oder threibhew. ¶

Item hawt er aber vonn oben vor so versetze ubersich gegen deiner linckenn und haw behenndt von deiner Lincken gegen seiner rechtenn.