Page:MS A.4º.2 52v.jpg

Es steht einer vor dir in Bogenn, nun darfstu in nit aslo in seinn vortheil hawenn unbedacht, dan er macht dich sampt ubereylen dweil er noch ungeschwecht ist, so thu in nun also, wan einer vor dir in Bogenn steht so haw in den Ersten durch sein Bogenn nit das ihr treffenn wolt, sonder damit reytzst du ihn das er aufgeht unnd schlagen wil, in dem er dan schlegt, so so nimpstu in mit eim oberhaw sein streich zu grunndt oder dempf in den, als baldt du in also den erstenn gereitzst den andern genomen so haw den dritten lang nach.

Item Reytz in mit eim haw unnd versetz in den gereytztenn haw mit dem bogenn vonn unnden auf, den drittenn schneidt in nach zur Bloeß, hawt er aber ungereytzt, so nim in sein haw mit eim dempfhaw, unnd haw nach zur negstenn bloeß.