Page:MS A.4º.2 64r.jpg

Item umbgreif dein handthab das du dein Dusekenn krump habest wie oben gemelt haw also springs weiß von deiner rechtenn ein hohen streich uber die handt uber sein bogenn hinein das dein rechte seitenn wol an sein Lincke seitenn khom in schlag haw in ein schnal wider umb unden hinein zum gesicht das dein heft hoch bleibt haw dich behenndt kurtz wegk.

Item wan einer in bogenn steht und lest denn orth undersich henckenn so thrit und haw von deiner rechtenn in die schwech seines Dusekenns under sein arm durch das dein Dusekenn auff die Lincke seitenn kum nim indes mit der flech uber sein arm wegk von deiner Linckenn unnd haw Lang nach der bloeß zu nahennt bey seiner handt.