unnd volg mit dem rechten und stich mit ihm gleich zum gesicht, schutz dich ferner mit der eyssenpfortt oder heb dein gefeß vbersich und greiff mit deiner klingen uber seine und wende in sein klingen von deiner rechten in eim riß uff dein lincke indes trit uff sein lincke und haw ihm zum gesicht neben deiner lincken durch und stich in wider vber die hand zum gesicht
Merck wan dir einer unden zu sticht, so trit mit dem lincken fuß uff sein recht seitten und setz ihm sein stich von deiner lincken, gegen deiner rechten von oben zwüschen dir und ihm durch die Bastey ab, tritt und stich ihm under seiner wehr hinein zum gemecht
Weitter sticht dir einer unden zu, so du also in lincken Ochsen sthest, so thritt mit dem lincken fuß wol uff sein Rechte wie vor, setz ihm sein stich von deiner linck undersich gegen deiner rechten ab, so sthestu in rechten pflug
