Page:MS A.4º.2 76r.jpg

stich ihm auß dem rechten pflug ubersich auff zu seinem gesicht, das muß er wehren, so thrit und stich ihm, mit verkhertter handt under seim arm zur hufft zuck dein gefeß wider zu dir, und haw von deiner lincken ein wehr streich uff sein recht Achsel durch

Item sticht dir einer zum gesicht oder brust, so nim den stich von unden neben deiner lincken mit kurtzer schneidt durch sein rechte mit sterck auß, das dein wehr, das dein wehr (sic) oben wider umb dein haubt lauffe, und haw in auswendig zu seinem rechten schenckel, spert er den haw, so stich Im behend uber die handt zum gesicht, spert er aber nit so khumstu durch in wechsel Sticht er dir ferner zu so wendt das gefeß ubersich und nim in sein stich mit der flech durch das sverhengen auß, und stich ihm uber die handt zum gesicht,