Page:MS Bibl. 2465 104v.jpg

gelennckenn.

Ittem sez im denn stich ab, vnnd du desgleichen, vnnd so offt du Im angesezt hast, so schlag dein knopff vnnder die vchsenn so du dein forteil Ersichest, Annsezenn sündt vier Eins Ins gesicht, ann thrisell Ittem ann die Linck vchsenn oder vnnder die Reht achtsell ¶ vnnd merck so du Im an dj Linck ansezest, so kum mit dem Lincken fus vor sez du Im vnder die recht Achsell, so thritt mit dem rechten vor, weitter soltu alweg so du anngesezt hast übersich thrinngen, so Er Aber kurczer ist dann du, so senck dein gehils vnndersich bis zu der hüfft, vnnd thring Also übersich von dür, last Er dür die seitten so stos Inn ann die hauben, do ist Er am krenckesten, so offt du ansezest so schaw das du Im woll In die Ring sezest, wenn du recht ansezest vnd recht dringst so kan Er nitt woll arbeitten

Bruch

Ittem hatt dür Einer angesezt, so stich oben über sein Rechten arm hinein vnder seim schwertt durch thruck dein knopff vndersich gegen der Erden, als baldt Er ledig lest, so schies dein schwertt vor dür hin vnder seim rechten durch, vnd mit deinn rechten fus hinder sein Lincken vnnd greiff mit der Lincken hanndt an sein haubenn vnd würff Inn, in eill hindersich.

Ittem stich Im Inn handschuh am der vergesezsten handt, vnd fier Inn herum oder stich Im vnnder seim Lincken Arm auff über sein schwerdt thruck mit dem knopff übersich vnnd sez Im Ann

Ittem von denn