Page:MS Bibl. 2465 111v.jpg

die gethrente fügen ¶ Ittem las denn dolchenn gar las mit allenn spietzen vnnd Arbeüdt mit deim kleinern zum helm wo Er offenn ist ¶ Wo andene blößenn zu finden sündt ist vor gelert wordenn

Ittem felt Er auff denn bauch so fall Im auff die gelennck seines arms mit deinem knÿ vnnd brich Im die arm, Ittem fall im auf dz schlos am Rucken ¶

Ittem hastu Inn geworffenn, so stich Erdenn aus vnnd fill Im sein vüsier oder schneidt Etwas aus seim wappenn Rock, vnnd verstopff Im sein visier.

Ittem arbeitt mit dem dolchen zum gemecht oder zwischenn den Fügen oder stos Inn für sein hertz oder ann die gelennck wo die sindt ¶

Lastlich soll man merckenn dieweill sich zugethragenn, das bis weillen In Ettlichenn wehren gleiche stuck sindt für die hanndt gelauffen, hab ichs kurze halbenn, wo es Inn Einer Wechr gesez, Inn der anndern ausgelaßenn, so es an nachteill dem verstenndt hett geschechen kenen, domit ich nit Ein ding offt setz wergeblich, auch dieweill das fechtenn also geschaffenn das Ein Erfarner diser kunst, sein fortheill auch Inn vnbekannten wechren soll Er sehen, hab ichs dachin gericht, vnnd Ein wechr mit dem anndern verfast, auff dz so einer