 |
You are not currently logged in. Are you accessing the unsecure (http) portal? Click here to switch to the secure portal. |
Page:MS A.4º.2 12r.jpg
haw genendt, daher der ein schüller auch under die krumphew gezelt wirtt dan es gilt gleich er mit gantzer oder halber schneidt, so ist es ein krumphaw so offt du die hendt kreitzweiß fierest,
und erstlich wan einer auff dich von oben geradt zum kopf hawt[1] von seiner rechten, so thrit mit dem rechten fuß, wol auß seim streich, auff sein linck das du seinem streich gleichsam in ein sprung auf sein linck entwischt, und haw auch von deiner rechten mit geschrencktem henden, gegen seinem haw, so kommestu mit deiner schwerdts klingen, zwüschen seim kopf umd[2] schwerdt ahn sein klingen, auf sein halb schneidt die dhan gegen ihm sthet in dem es riret, so thrit furbaß mit dem rechten, gegen seiner lincken seitten umb, und versetze oder transferier dein kling von seiner, zwuschen seim kopf und schwerdt uff sein arm[3]undersich in dessen wirstu gewiß ein blöß haben, zu welcher du hawen magst, und saume dich nhur nicht lang, sonder laß behend zu den blossen fligen.
Item Merck wan du in zufechten zu ihm kommest, so schaw in dem er seine arm auff zihet zum streich, so verschrenck dein hendt in der luft das sie hoch bleiben, und wirf ihm den orth das ist die schwech, oder dis erst theil deiner klingen uff sein hend oder arme, das sol geschehen in dem er zum striech uff geht, und ehe er fertig ist, soltu ihm mit einer zwirch schon ahn seiner klingen sein, dan solche stuck sollen fligent und geschwindt gehen
