vber sein versatzung erstlich mit einem Krumphaw uber sein versatzung zum Linckenn ohr.
Item versetzt er das so haw ein Krumphaw auswendig uber sein rechten Arm zum Rechten ohr. versetzt er das abermals so haw krumb under seim rechtenn Arm zum gesicht. Der viert streich ist ein zwerch schlag zu seim Linckenn ohr. von unden mit Langer schneidt das dein handthab wol umbgriffenn sey, in dissenn vier streichenn, soltu mit dem gehuls alweg hoch sein uber dem haupt zur versatzung.
Folgen etliche gutte Regeln auß dem Bogenn zu Fechtenn.
Die Erst Regel, so dir einer auff dein Bogenn hawet so trit mit deinem Linckenn fuß hinder dein rechten unnd folg mit
