Page:MS Bibl. 2465 IVr.jpg

wolle es nit genug sein, ein wehr, zwey, oder drey, abzuferttigen, vnd gemacht zu vberschicken, sonder dem nach ein stuck dem andern ketten, weiß Angehenckt, eins vß dem andern vermerck vnnd zu erfarnus kombt vnnd ein wehr des andern lehrmeister ist, bin ich die gantz fechtkhunst zusamen zu setzen, bevhrsacht worden, Es were auch wol billich, vnd mir Angestanden, In erwegung, ich Eure, Fürstliche, Gnaden, als einer Fürstlichen person, disses Tractatlin zuschreib, vnd derognaden allein verfertigt, durch die gesetzte stuck derselbigen Eure, Fürstliche, Gnaden, ihrn gepurlichen titul vnd Ahn nhamen hette geben, wie mich das zuthun schuldig weis vnd gewust, Auch zum guthen theil, vnd so far die lehr clörlich sein khonen, vnderstanden, vnd dhahin gebracht, sein doch etliche stuck, so gantz vhn verstendtlich, fur vnd ahn die handt gelauff en, das ich die khaum selber gesetzter gepurlicher titul vnd Reuerentz halben, wider verschen mogen, zugeschweigen wo die ehrwörtter solten gebliben sein, das sie Irgents einem andern, zu nutzen gereichet, das also nit fursatzlich, sonder ohn verduncklung halben der khunst, die stuck mit Generall wortten ich mussen Anzeigen dhamit der verstandt clörlich ohn allen Ihrtumb abgnhomen wurde, Auch wo einer ein schulrecht khan, das noch volgendt fur sich selbst lernen vnd begreiff en mochte, Aber mit was muhe vnd arbeith es beschehen, ein khunst, so allein In der vbung verhandlet vnd