Page:MS Bibl. 2465 001v.jpg

Achtung darauff hatt wurdt nimmer nichs gewisses lernnen khennen. ⁋

Teilung des schwerdts zur schwech und sterck

Das schwert würdt getheilt erstlich in zwey theil Nemlich von hefft bis In die mitte der clingen welches ist die sterck, von der Mitte biß vornen auß ist die schwech. ¶

Item das schwerdt wurdt ferner In vier theil wie die figur außweist, mit dem Innern theil das ist das heft wurdt verstanden die arbeit mit dem knopf sampt dem kreutz, vnd hefft Im andern theil darnach wurdt verstanden die arbeitt mit schnitten, trucken, vnd was zur sterck gehort. vom dritten theil ist zumercken die wandelbare arbeit zu sterck vnd schwech nach gelegenheit vnnd gefallen Das eusserst ist allein die schweche zugehorig mit arbeitten zur blöß.

Hardt vnd weich

Das soltu mercken In banden des schwerts do wurstu fielen ob er weich oder hartt angebunden habe mit hewen. Item ob er starck oder weich Im widerhaltten seie, vnd ist sich gewhonlich mehr zuhutten vor den weichen, dan von dem hartten banden wie hernach Im fechten zu stehen ist