Erstlich habenn die alten, die 4 leger nit alein fier huten im angreiffen gebraucht sonnder habenn auch ir ganntz fechtenn Summarischer weüs darinnen verborgenn gehapt, Als nemlich mit dem tag hawn sie alle hew vonn oben anzeigt vnd gmeint. Mit dem Olber aber alle hew vonn vnden vnnd darumb Olber genent dejweil gmeinlich die ding vonn vnnden einfeltig anzusehen gegen dem was von obem kumpt. Haben also ir ganz fechtenn in zwen hew verfast nemlich ober, vnnd vnnder, dan ir kein haw gehawenn kann werdenn es muß vonn oben oder von vnden sein vnnd ob schon einer ein mitelhaw oder zwerhaw, hawt so hatt der haw doch gemeinschaft einweder mit dem ober oder vnnder, dann so gerad würt kein mitelhaw gehawen er würt etwas von vnden oder obenn gehenn. Also habenn sie mit dem Ochsenn vnnd Pflueg dj stich gemeint nemlich ober vnnd vnnder stich. Dieweill mann aber zu vnserer irziger zeit nit stich im fechten ettliher vrsah halbenn, will ich denn Ochsen vnd Pflueg sampt denn stichen sparen bis ins Rapier, ann welchenn orten ich dan weitleifiger handel wirt ¶
Wie aber ein jedes leger zumachen oder zuuerstehn sej würt horen in figuren verzeihnet werden.
Zornnhaw
Zornnhaw mach also wann du im zufechtenn bist, so kum inn Ochsenn, oder nim das schwert in die recht achseln das der linck fuß vor stehe, trit vnnd haw mit langer schnied vonn der rechten schlims zw seiner lincken es sej zum kopff oder lieb ¶
