Page:MS Bibl. 2465 005v.jpg

Verfliegenn ⁋

Merck wann du zu einer blöß inhawest als baldt er riert so zuck vmb den kopff in eim flug in der luft zur andern blöß, wischt er im nach so laß nit rieren sonnder laß verfliegen vonn einer blöß zur andern bis dir ein blöß würt oder sonst zw firgleicher arbeit kummen megest ⁋

Verfelenn ⁋

Im zuganng hawe im zu einer plöß hinein als baldt du merkest das er versezen will, so las nit Rieren sonnder las fell ableufenn vnd hawe Indes zur anderm nechstenn plöß ⁋

Zürckell ⁋

So du vor eim stehest in dem sprechfenster so hawe vonn oben mit halber schneidt vnnd gekreutzigten armen, nebenn seim rechten ochr fell In dem fellauffenn hawe mit langer schneide wider an das selbig ort, Nemlich zum rehten ochr ⁋

Rinnde

Rinnde ist wann man das schwerdt vonn einer plöß Abruck inn eim schwunng vnnd inn der luft las ein moll vmblauffenn, vnnd hawe wider dahin ein vonn welcher plöß Es abkummen ist. Ittem gedopelt so mans zwej molll last vmblauffenn zw beidenn seüttenn inn eim flug ob dem haupt ⁋

Windenn