Page:MS Bibl. 2465 017v.jpg

Das stuck ist fest wie das vorig, dann wann du einem vnden oder oben zu hewest vnnd er dier denn streich mit einem krumpthaw Irret, felt dier oben vff dein schwert halb, so stell dein schwert aber vnder seinem durch mit einem stich oder brust zu trit woll gegen seiner rechten seitten, Itz such arbeit aus dem vorigen stuck die bede stuck hebenn fest einen verstenndt ⁋

Zwürch nimbt ⁋
Was von dach herkumbt ⁋

Das ist ein aus bundt vonn einem spruch, dann wo die Zwürch nit were, so war es vmb halb fechten geschechen was von tach kumbt, das nimbt sie frej hinweg Es hert aber mechr dar zu, dann es stett inn den alten Zedlen hernach ⁋

Zwürch mit der sterck ⁋
dein arbeit domit merck ⁋

Das ist wan du dapffer zwirchett hast so such baldt oben mit dem schranck oder verkeren ützt schneidestu Inndes druckest Inndes fest in denn altenn schritt oder bleübenn ⁋ Inndes nimbt das schwertt ⁋ Inndes macht was dein hertz begert ⁋

Zwürch zu dem Pfluog ⁋
Zu dem ochsen gehört fug ⁋

Wann einer im Pfluog ligt, so zwirch den Pfluog zu, so mus er auff ⁋

Zu dem Ochsen gehört fug ⁋

Das ist wann einer im ochsenn stett, so thu gemach bis er an dem leger ficht an zufechten, als dann so fach erst ann zu arbeitten, Statt er im ochsenn vnd will nit auff auß der