Fechtenn Im Duseckenn zubrauchenn In allerley wehrenn zu eyner hanndt
Erstlich seindt die leger, deren seindt furnemlich sechs, welche nit darumb gemacht seindt, das man darinnen wartten sol, wie oben auch zum theil gemolt, sonder viel mehr der theilung halben damit man wisse eines vom andern zu vnderscheiden, nemlich also, wan einer durch den Stier ficht, sol, oder braucht er gewonlich solch hew vnd stuck, die dem Stier zugetheilt seindt, darumb so einer mit einem fechten wil, so sol er acht haben von welcher, oder durch welches theil er gegen ihm ficht, damit er desto bas wissen moge, mit was hewen oder stucken er ihn ahm figlichsten angreiffen soll, damit er ihm das, vor, ablauffe. Dan die Fechter, die ihr hew vnd stuck, also vhnachtsam hinein schlagen, seindt baldt gesteckt vnd mussen gewohenlich mit schaden weichen,
