Page:MS A.4º.2 46r.jpg

Zum drittenn soll man der bloessenn wahr nemenn, und sie lernen erkennenn an des mans armenn darinnen er die wehr furt Also man soll acht habenn wan der man mit dem arm zu hoch auffert so ist er unnden bloß.

Item so er sich zu tieff verfelt ist er obenn bloß, ebenn desgleichenn so er auf die seiten zu weit verfert weiter was aber die vier theil des mans das vor unnd nach schwech unnd sterck, Item die Rinde unnd Zyrckel, schneidenn unnd dergleichenn, ist vornenn in schwerdt nach der lenge erklert, die sol man hie auch gebrauchenn wie hieuor gelehrt. ¶

Volgenn die Leger und seinnd mit namen disse.

Wacht oder luog ins landt, Stier, Zornn, Eber, Wechsel, Nebenhuot. Item der schnit, der Bogenn, welcher seindt die zwo versatzung ein von unden die ander von obenn.