Page:MS Bibl. 2465 029v.jpg

krumpt gefaßett. Denn drüttenn vonn obenn durch sein Linnck, Denn vierttenn auch vonn obenn durch seinn recht, das dein dusackenn wüder über dein haupt schieben zum sturz, denn fünfftenn ein mitelhaw, durch seinn Linck den sechstenn ein oberhaw

Der Zornnhaw sampt dem stier, sinndt zwej fürnemet Ernnstlicher leger, zum anngreifenn, vnnd habenn kein vnnderscheüdt dann das der zornn denn haw, der stier denn stich drawett ⁋

Erstlich merck so du im zornn, oder Stier stehest auff deiner rechten zw warttenn des mans Anngreüffenn oder hawenn, hawett Er dür dan deiner Linnckenn zu es sej vnndenn oder obenn zum leib, so thritt vnnd haw im seinn herkummenden streich nach bei seiner hanndt vonn obenn wegck vnnd hawe behenndt der Plöß zu, oder noch, kum baldt wüder In versazung außwenndig seines Rechttenn ⁋