Page:MS Bibl. 2465 032v.jpg

Die viert Regel, Merck als offt dir einer vff die schwech deines dusecken schlecht so fhar auff vnd haw ein brummerhaw von deiner rechten zum arm

Item hawet dir einer vff die sterck, so wendt die spitz vbersich gegen seinem Dusacken, vnd wende ihm also sein streich ab, vff dein rechte seitten, vnd haw ihm ein brummer von deiner lincken, von aussen zu seinem arm, oder mach die schnellen, das sein vier furnemer gutter regel, die wol zumercken seindt Im bogen zu fechten,

Bruch vff den Bogen

Erstlich merck, wan dir einer Im bogen begegnet so schicke dich In wechsel, zu deiner Lincken den Rechten fuß vor, thrit vnd stich von vnden auff, vnder seiner versatzung zum gesicht oder brust, als baldt du Enthpfindest das dein orth angesetzt ist, so fahr Indes behendt auff mit deinem gehiltz fur das haubt, vnd bleib mit dem orth vff seinem leib, das wirdt er wehren oder schlagen, so hab acht, als baldt er auff geht zum streich, so thrit vff sein Lincke, vnd schlag ihm neben seiner versatzung hinein zum gesicht, disses stuck ist offt angangen, nemlich wie die figur 31 anzeiget, hie fornen Im bogen ⁋