hawett aber einer auff dich, wenn du also in der neben hut stehest, so nim den streich vonn deiner linckenn mit der flech hinwegk, Inndes thrit mit deim Lincken fus Auff sein rechte seittenn, vnnd stich im über sein rehten arm zum gesicht, hawe behenndt nach durch das gesicht oder zur nechsten Plöß ⁋
Schneïdenn ⁋
Merck wann du inn gerader versazung stehest vnnd einer ficht dür zu, so seze im ab, als baldt er vmb schlecht, so folge im nach mit dem schnit auff die arm, schneidt Im Inndes durch dz gesicht, las fliegenn zur nechstenn Plöß ⁋
Ittem wann du eim also absezest vonn deiner rechten gegenn seiner linkenn, als baldt der absez Binnt[1] oder er abgeht, so haw mit kurzer vonn deiner lincken vonn vnnden durch die arm, also wenn du von deiner lincken auff sein Rechte absezest so haw mit kurzer schneidt von deiner rehten durch sein linck vonn vndenn als dann ficht zur nechstenn Plöß ⁋
- ↑ Unclear.
