Endenn hanngett, Inndes las über die handt, lauffen zu einem gesicht sticht, Also nim auch die hew zwischenn dür vnnd im aus durch das vorhenngenn vnd stich wie vor ⁋
Ittem hawet dür einer zunn[1] Fießenn, so senck die spütz gegen der Erden vnd sper Inn mit der flech, mit absetzen durch die bastej, vnd stich im über die hanndt zum gesicht ⁋
Ittem hab acht wann er dür vnnden zu sticht, Inn dem er sein hanndt aus streckt, zum gesicht, so haw im zur handt durch, vnnd stich Im zum gesicht
Wüll dich aber der gegen man nit angreifen
Merck wann dür Einer im wechsell begegnett zu seiner Linckenn, vnnd du im ochsenn stechest, so hawe vonn deiner rechten vonn vnden durch sein linck zum gesicht, dz dein wechr vmlauft in Lincken ochsen, Indes nim mit halber schneidt aus, vndersich gegenn deiner rechten seitten durch, dz dein wechr vmlauft in rechten ochsen, vnd stich im zum gesicht.
Ittem thrit mit deim lincken zu im, vnd stich vor im fell außwendig deim linckenn schenckell durch, das dein wechr in Lincken ochsen kumpt nim mit halber aus gegen deiner rechten seitten durch, dz dein Rapier wider in rechten ochsen kum, vnd stich in zum gesicht, vnd haw im auswendig zum rechten schenckell ⁋
- ↑ Unclear.
