Merck ihm anbinden, so zuck die stangen mit beiden henden vmb den kopf vnd schlag ihm außwendig zum arm, stost er nach, so wende den stoß mit eim außthritt ab vnd stos mit ihm gleich hinein
Item Im anbinden stich ihm nach dem fuß, mit das du treffen wollest, sonder stel dich mit geberden als habest du dich verfallen, vnd als baldt er dir, nach sticht, so wendt den stos ab mit einem abthrit, vnd stos mit ihm gleich, ⁋
So du ihm Mitteln bandt oder andern theil Anbindest, so bleib starck In der versatzung, vnd merck als baldt er sich blösset, es sey mit durchwechslen oder wie das geschicht, so stoß behendt mit starcker versatzung hinein.
Item so er aber nit stossen, noch sich blossen wil, so laß den orth vndersich sincken, vnd heb die hinder handt vbersich, so sthestu Im verhengen als baldt er nach der blöß stöst, so wendt ab vnd stoß mit ihm gleich hinein. ⁋
Item sticht dir einer zu so nim ihm den stoß auß, laß die stang vmb dein haubt faren dem nehmer nach vnd schlag mit beiden henden schnidts weiß oben zum kopf vnd In der versatzung so ruck die stang
