gesicht Stos ⁋
Ittem nim denn Spies Inn der mit vnnd las denn ortt Ein wenig vndersich sinckenn stell dich mit geberdenn als weltestu stoßen, so würdt Er dür wellen vor khumen, so wird Im den Stos vbersich aus vnnd stos Im über sein Recthen arm zum gesicht,
Ittem stell dich mit berden Ernstlich wie vor als baldt Er stost so setz Im denn stos ab, mit dem vordern ortt vonn deiner Rechten vnnd stich Im Inwendüg zum gesicht
Hochortt
Ittem stanndt mit dem Lincken vor vnd halt dein Spies In der lufft vnnd auff welche seitten Er stost so thritt auff die annder seitten aus vnnd schlag von oben gleich mit seim Stos Ein, vnd verwendt Inndes denn schlag In Ein stos ⁋
Reützenn
Ittem schlag vonn Obenn neben seiner Lincken fel, Inndes Er der blös zu stost, so winnd mit dem hindern auch übersich ab vnnd thrit aus auff dein Reht seitten, vnnd stos gleich vnder deiner handt mit abfichten hinein ⁋
