Page:MS Bibl. 2465 047r.jpg

Das vierdt. ⁋

Ist das kreutz von oben zusamen treiben starck vff den man hinein. ⁋

Das 5 threiben.

Die 2 vnderhaw Zusamen von vnder mit den flechen durch das kreutz.

Das sechst threiben

ist der doppel wechsel ein ausbundiger haw. ⁋

Den mach also sthe mit dem Rechten vor, vnd haw den ersten streich von deiner Recht, von oben durch des mans lincken strich, so khombstu In lincken wechsel, Reiß mit halber schneidt wider von vnden durch den selben strich, durch welchen du khomen bist In der luft verwechslen, vnd haw von oben von deiner Lincken durch sein Rechten strich, vber dein Rechten schenckel so khombt das orth vff die erden neben deiner Rechten, treib wider vber sich durch den selben strich, durch den du khomen bist, Alss dhan wechsel wider In der luft vnd haw wider