Page:Cgm 3712 095v.jpg

Item hie hat der tehzt ain endt von dem zettell des langen schwerts wie man sÿ halten soll im schwert alle drit und mas und stich und haŵ lezen straich stich mit stossen und alle blossen und wan ainer waich oder ist so bis du stark so wann ainer stark ist so bis du waich so vindstu schwech und stark mit ainander guet in der huet

Item es ist zuwissen das die nechte die kunst bricht und die zwaÿ hengen unnd das verschieben und die holl versatzung und die guldin kunst die fünf stuck dem brechen den zetell auch vindt man wol ain der bricht mit ain oder der in bricht in mit ain oder zwaÿ stuck den es bricht ain haŵ ain anderen und ains stuck das ander und ains stich bricht ains anderen glossmerck.

Jorgens wilhelms huters kunst zu augspurg des langen schwerts

1556 ~