Irruptio, addito pariter modo hostis sternendi.
Hac ratione te compones in congressu contra hostem: manum utranque tuam humiliter teneas. Sed si adversarius contra te procedat, brachiis ambobus pedem eius utrunque adprehendito, nec non eum versus te attrahito. Verum si hostis utatur modo eodem, tum eius humerum utrunque brachio utroque superne adprehendas. Sed si is pari te ratione fuerit complexus, pariterque secum te prosternere conetur, pedes tuos latius disiungas, atque si per utrunque hostem traxeris, pro arbitrio tuo eum coniicias licebit.
