Page:MS Germ.Quart.2020 097v.jpg

Sticht dir einer untn nach dem bauch fal mit deinem degen auf sein degen, mit gewappenter hant als vor, und greif in (mit der rechtn hant do du den dolich in hast) behendiglich, vornen auf sein rechte hant, pey dem glenck, und fasß im seinen degen zu deinem, und wint Wint im aus der hant unnd setz im an deinen pauch, und zuckh in mit deiner lincken hant starck an dich.