Also prich das durchwenten
[W]er dir durch get da gee mit durch unnd fal in ein ringenn weliches du wilt
Das stuck pricht alle ringen die von ersten an geschriben sten
[W]ann dir ainer hat gefast dein lingke hannt mit seiner rechtenn unnd wil mit seiner lingkhen unnden durch greiffenn ann deinen elenpogen unnd will dir denn verreruckenn[!] oder will seiner rechtn hant zu hilf khumenn unnd sich durch den arm wennten, so mergk dieweil er mit der lincken der[1] rechtenn zu hilff greifft[2] oder domit nach dem elnnpogen greifft, im dem selbenn, so far im mit dainem rechten arm behendiglich uber seinen lingkenn in sein rechte seytenn unnd fas in in der wuest ~ Unnd spring mit dem rechtenn fus hinder seinenn lingkhenn unnd wirff in aus dem vues ÿber dain rechts pain
~ Wiedann hernach gemalt.
