Aber ein ringen:
Helt dich einnr los, bey den armen, so begreif mit deinr lincken sein rechte hannt beyn fingern, und schlag auf mit deiner rechtn, unnd far im durch, unnder sein rechtn arm, und faß in in der wuest, unnd mit der lincken in einr kniepug.
ein ringen.
Fasst dich einner hinnten bez der gurtl, so senckh dich nider unnd wenn er dich erhebt, so drä dich umb hinnter im unnd wirf in yber schranckh.
Aber eins
Gee im mit der rechtn hannt durch, unnd fach in oberhalb der huf, in der waich, unnd var im mit der linckhn hannt, oben yber sein rechte achsl, unnd fach dein linckhe rechte hannt im glennckh, unnd halt die vesst, unnd heb in auf, Unnd mit deinem rechten khnie, erheb im sein linncks knie, Und wurf in fur dich.
Aber ein ringen
Begreif im sein rechte hannt, mit beden hennden, unnd ruckh in auf dein rechte seiten, Unnd schreit mit deinem
