Ein ringen aus der mith~
Wenn du einem mit beden armen durch sein arm gefarn bist, Unnd ist er also gerinng, das du in wol erheben magst, so faß in bey der mitt, Unnd schleus dein hennt fasst zu samen, unnd heb in auf dein linnckhe seittn, Unnd dra dich mit im umb, und wenn du dich ainns mit im umb gedrat hast, so stos in wider auf die knie, unnd brich im den ruckh zu dir.
·Bruch·
Wenn dich einr fast unnd also zu im druckht, so setz im den elbogen an die kell, oder an die brust, und druckh in von dir zabe, Unnd daß dein lincker vus zu ruckh stee.
Ringen: aus dem durchgeen
Erwisch im sein rechte mit deinr linckhen hannt unnd dras auf dein linckh seitn, unnd gee im durch mit deinem haubt, unnd trit mit der rechtn fues mit, und gewin im den rucken an, Und buckh dich, und erwisch und erheb inne mit deiner[1] rechtn hant,
sein lincks bain.
- ↑ r corrected from n.
