[V]ersetz denn stich oder den schlag unnd var im mit dem knopf zum hals unnd wirff in.
[W]enn er dir zu der linkckn seÿtn zureit so versetz unnd schlag im ein oberhau zum kopff oder stich in in den hals.
[N]im dein schwert in die linck hant und leg es dem ros auf den hals und wenn er schlecht so versetz unnd stÿch in zum hals.
[W]enn er schlecht so versetz unnd hurt a mit deinem gehultz unnder sein arm unnd mit deinem rechtenn vues var under seinem sattellrimem[!] und erpür im denn vues und heb im auf denn arm mit deinem gehultz unnd unnd[!] wirff in also vom roß.
[D]as stuck ist der edelchaffgriff als du wol weist wie man den treiben soll
[E]in schwert mit dem anndern genomen aus den hangenden ortern begreiff im dem arm do er das schwert in helt unnd hurt im durch unnd nim im das schwert oder zeuch in vom roß
[I]tem als vor hau im gerad zum kopf ein oder hau.
[G]ee auf vonn dem linckn arm unnd hau im ab den hals mit der zwer oder begreiff im denn hals mit der rechtenn hant unnd wirff in.
Das ist zu gewoppenterhant.
[L]as lanck hangenn unnd greiff in das kurtz schwert unnd versetz fur
