Was mit dem knopt schlecht, das haissen die donner schleg, du magst in auch unnther die augen schlahen, in das visir domit schlahen.
Einen aus dem Krais zufurn.
Aus dem kraiß an seinnen dannckh zu fuern, So greif nach einnem vinnger zu der linnckhen, Unnd prich ÿbersich, Oder stich in oben in den hanntschuech, in die hannt, und heb das schwert mit der hennt ÿbersich, Unnd fur in aus dem kraiß. Das ist guet und verporgn.
hernach gemalt
