Unnd painprüch, Unnd kniestös, unnd hoden stös, und vinnger lösunng, ~Unnd augengriff, ~Mit disn stuckn soll ein starcker also verschlossen werden, das da er seiner sterck nit wol wirt mugen gnissn, Und das merckh in dnh negst nachgschribnen rinngen.
Volgt das erst ringen.
Merck velt er dich ann mit sterckh, unnd will dich zu im ruckhen, Oder vonn im stossen, ~So schlag deinn rechtn arm aussen Ÿber seinn linncken Vorn peÿ seinner hannt, ~Unnd druckh seinn arm ann dein brust, mit baiden hennden, Unnd spring mit deinem rechtn fuess hinnter seinn linncken, ~Unnd wirf in aus dem fues ÿber das knie.
Wie hienach conterfet.
