Merckh ein gutte ler ·1·
Auß allen anndern hueten, soltu kumen ine die viert huet, mit ansetzen, ~ Vernimbs also, ~Wenn du im, aus, einer huet zustichst, ist dann das du in recht triffst, das dein ort hafft im Harrnisch, ~ So winnt baldt das gehultz an dein prust, in die huet, Und dring in also vor dir hin, und laß in von dem ort nit abkomen, so mag er weder stechen nach schlagn.
aber ein ler, vom ansetzn. ·2· ler
Alles das du ansetzen wilt, das setz in das gesicht, oder an den hals, Oder an sein linckh agsl, Oder unnder sein linnckh ÿgsen. ~ unnd wenn du im hast angesetzt, So merckh ist er linger denn du pist, so tring in also vor dir hin, ~Und wart das dein ort ÿbersich aufgee, und im in die ring wol gesetzt seÿ,
~ Oder ist er kurtzer wenn dw,
