Page:Academie de l'Espée (Girard Thibault d'Anvers) 1630.pdf/33

EXEMPLAR PRIVILEGII S. CÆSAREÆ MAJESTATIS.

FErdinandus Ⅱ, Divina favente clementia, electus Romanorum Imperator, semper Augu­stus, ac Germaniæ, Hangariæ, Bohemiæ, Dalmatiæ, Croatiæ, Sclavoniæ Rex, Archidux Austriæ, Dux Burgandiæ, Stiriæ, Carinthiæ, Carniolæ & Wittembergæ, Comes Tirolis, &c. Agnoscimus & notam facimus tenore præsentium universis: Quod demisse nobis exponi curarint Gerardi Tibault civis Ant­werpiensis hæredes, dictum Gerardum Tibault Artem digladiandi & arma, tam equestria quam pedestria, tractandi, secundum regulas Mathematicas tradidisse; eamque artem in unum opus congessisse; illudquc multis ac variis iconibus æri incisis illustrasse: quod prœli beneficio in lucem edere ac publici juris facere decreverint: vereri autem, ne, quod subinde accidere solet, æmulorum fraude ac dolo, qui primas hujusmodi editiones præpropere & nonnumquam vitiose imitari consueverint, ipsi sperato laboris & impendij sui fructa ad alios inique translato fraudentur: Ideoque demisse nos rogarint, ut indemnitati suæ hoc loci Privilegio nostro Cæsareo clementer consulere dignaremur: Nos hujusmodi precibus (quod opus illud paßim utile futurum agnoscamus) gratiose annuendum duxerimus; uti vigore præsentium annuimus. Ac proinde omni­bus & singulis typographis, bibliopolis, & aliis quibuscunque librariam negotiationem exercentibus, serio inhibemus ac vetamus, ne quisquam prædictum opus quocunque modo, charactere aut forma, sive integrum, sive aliquam ejus partem, citra memoratorum Gerardi Tibault hæredum volantatem & assensum, intra annos duodecim proximos, à prima editionis die computandos, recudere aut alii recudendum dare, sive alibi etiam impressum intra sacri Romani Imperij Regnorumque & Dominîornm nostrorum hæreditariorum fines, apportare, vendere vel distrahere audeat ac præsumat. Si quis autem edictum hoc nostrum transgredi, violare aut contemnere deprehendatur, eum non solum hujusmodi libris perperam recusis & apportatis, quos dicti hæredes, ubicunque inventi fuerint, sive propria sive magistratus ibidem authoritate atque auxilio, sibi vendicare poterunt, privandum, sed & pœna duodecim marcarum auri puri, cujus semis dictis Authoris heredibus, alter vero semis fisco nostro Imperiali fraudis vindici, toties quoties contra factum fuerit, penda­tur, omni spe veniæ sublatâ mulctandum decernimus: dummodo tamen memoratum opus nihil in se scandalosum aut Orthodoxæ Reli­gioni Catholicæ Sacrique Romani Imperij constitationibus adversum, vel bonis moribus contrarium, sive in præfatione sive in contextu, seu alias quocunque modo contineat, & sœpedicti hæredes, aut typographus cui imprimendi cura commissa fuerit, quaterna ut minimum dicti operis exemplaria suis sumtibus quam primum ad Cancellariam Imperialem aulicam transmiserint. Mandamus ergo universis no­stris & S. R. Imperii Regnorumque ac ditionum nostrarum hæreditariarum subditis, cujuscunque flatus, gradus, ordinis, conditionis aut dignitatis existant, tam Ecclesiasticis quam Secularibus, præsertim vero iis qui in Magistratu constituti vel proprio vel superiorum nomine & loco jus ac justitiæ administrationem exercent, ne quenquam Privilegium hoc nostrym Cæsareum temere & impune transgredi aut violare patiantur, quin potius contumaces, si quos forte compererint, præscripta pœna mulctari aliisque modis idoneis coerceri carent, quatenus & ipsi eandem mulctam evitare voluerint: Harum testimonio literarum manu nostra subscriptarum & sigilli nostri Cæsarei im­preßione munitarum. Datum in civitate nostra Viennæ; die vigesima mensis Maji, anno Domini millesimo sexcentesimo trigesimo, Regnorum nostrorum, Romani undecimo, Hungarici duodecimo, Bohemici vero decimotertio.

FERDINANDUS.

Ad mandatum Sacræ Cœsareœ Majestatis proprium

GERH. à ZWETHENG.

 V^t
P. à STRALENDORFF.