This page has been validated.
Merck daz dritt stuckh nym dein swert fürdich vnd thu mit deinem ort als du zwischen peder schilt wellest lauffen dürch wirt er des stichs gewar so schreitt mit deinem rechten pain vast auf sein tencke seyten vnd stich in hinden in seinen rugkh Nu merkh den pruch da wider als er dich hat wellen stachen nach dem rugken wirstu des stichs gewar so slach mit deinem schilt von oben nider auf sein swert damit du Im den stich prichst den er auf dich hat wellen thün vnd treiben So stich dan mit deinem swertt von vnden auff zwischen paiden schilt dürch zu seinem leib darmit hastu im daz stuckh geprochen daz er dir hat wellen thün
