[I]Tem ein gut tewsch kampffstuck zu fuss In harnisch Wan dw dich Ring wilt wappen / vnd pald endt wilt geben – So nym dein swert plos bey der klingen In dein lincke hant das das ort vbersich stee / vnd dein spitz In dein Rechte handt auf stigen vnd trit ainer gegen dir mit seinem spiess / vnd will sich mit dir stechen / so dro Im zu schiessen / vnd thue doch zwir sam dw In an schiessen wollest so versticht er zu dem dritten mall scheus den spies starck In In vnd Im den schus lauff mit Im ein / dieweil er den schus besorgt so lauff dw In seinem spies ab vnd In dem lauffen So ergreiff dein schwert bey der hand hab vnd dem gehiltz vnd schews es auch starck In In / vnd In dem schus ee er sich des erhole / So bist bey Im vnd fall In unten mit drin baiden henten vnd armen an bey seiner mit Oder bey dem ars / vnd zuck In starck zu dir / vnd In dem zucken setz Im dein kopff vnten an sein prust vnd dringt vnd priche in oben mit dem kopff gar reschlich bey seiner prust vber dein arm an seinen Ruck / vnd thue [da]s als kunlich vnd reschlich mit deiner krafft / So gelingt dir freylich auch mustw vor schiessen lern gar woll mit dem spies vnd schwert
[E]in guts stuck zu gewappent handt / das haist die wag auf baid seiten wen dich ainer an will stech[n]n so weis In den stich aus vnd In dem weisen trit In In vnd wint Im de in swert vnter sein arm vnd In dem winten gar resch So wart welhes pain er fur hab gesetzt auf der selb en seiten far nider vnd ergreuff Im euchwentis bey dem selben pain mit dein paiden henten vnd heb im das pain auf vnd wurff In an den Rucken
