Page:MS B.26 026v.png

[W]en dw zw ainem gest mit dem degen In harnisch so sich Im auf die fuss welhen fuss er dir hat fur gesetzt da schlah In an mit deim fuss vorn mit der zehen hindten an sein verssen vnd In dem schlag stoss In oben von dir so velt er an den Ruck

[A]ber ein arm prech[e]n will dich ainer anstechen von [oben] oder vndten so fach Im sein rechten arm nahe[?] bey der handt vnd degen mit deiner rechten handt vnd zuck In starck fur sich auf dein rechte seiten vnd [?] Im dein lincke achssel vnder sein rechten arm vnd greiff mit deiner lincken handt auch zw vnd [prich] Im den arm ab vber dein achssel

[A]ber ein arm Prechen aus dem degen will dich ainer an stechen von vnten auff mit eim vor stich so stich Im sein arm bey der handt mit deiner Rechen handt / vnd die klingen In dein lincke handt vnd In dem vahen heb vast vnd wurff dich vmb vnd windt dich vnten durch sein arm / so prichstw Im den arm ab

[E]in gut degen nemen will ainer ein degen In [dich] schlahen von oben ein so leg dein lincken arm auf dein rechten sam ein kreutz / vnd fah den stich zwischen die hendt In deine arm vnd in dem vahen [?] ergreiff Im die handt vnd das degenhefft zusamen mit deiner obern lincken handt vnd der vntern Rechten handt ergreiff Im den arm / vnd In dem greiffen windt Im die handt vnd den arm gen [I]m vnd in dem winden so get dir dein ober arm [auf] sein arm / So magstw Im sein arm woll [abrencken] mit dem ellenpogen bey seim ellenpogen