EIn gut tagaltsams Ringen wen dich ainer vast vnd hat sein baid arm vnter vnd hat dich gar gewiss zu werffen So greiff oben nider zwischen dir vnd Im mit dein baiden armen vnd vmb greiff Im sein paid arm vnter dein baide vchssen vnd truck vast zw / mit den mit den vchssen vnd armen vnd fall nider auf dein ars / vnd trucken vnd schupf In vber dein kupff aus mit dein knien vnd fussen. Auch las Im seiner arm nicht aus dein vchssen / bis dw an dem rucken ligst vnd In vber dich aus wurfst
- [E]In ander Ringen wen dw zw ainem laufst / so er greiff in bey der prust / oder bey den armen / vnd fall an den ruck / vnd vass in auff ain pain vnd In dem fallen / So schupff in mit dem pain / vnd mit den armen vber den kopff aus / vnd mach dich dan wider auff vnd fall auff In
WEn zwen miteinander gleich gefast haben das einer den andren nicht auff heben kan das ist nur ein wort / wen er hebt so heb auch
