Vier leger allain davon halt, und fleuch die gemain ochs und pflucg alber von tag sei dir nit g.m. Die 4 leger dz die 4 huetten da du aus fechten solt, die erst huet haist der ochs, dann schikh dich also mit stehe mit dem lingkhen fuss für, und halt dein schwert neben deiner rechten seitten mit dem gehültz vor dem haubt, dz die kurtz schneid gegen dir stand und im dem ort gegen dem gesicht Item zu seiner rechten seitten schileh die also in den ochsen stand mit dem rechten fuss vor und halt dein schwert neben deiner rechten seitten. mit dem gehültz vor dem haubt, dz die lang schneid gegen dir stand, und im mit dem ort gegen dem gesicht dz ist der ochs zu baiden seitten.
Item die ander huet die haist der pflucg da schikh dich also mit setz den lingkhen fuss vor und halt dein schwert mit verkerten henden mit dem kopff und stich neben der rechten seitten zu der hüff, und dz die kurtz schneid oben sei, und der ortt gegen dem gesicht Item zu der linghen seitten schikh dich also in den pflug setz den rechten fuss vor, und halt dz schwert neben der lingkhen seitten mit dem knopf undersich der hüff, und dz die lang schneid oben sei, und der ortt im gegen dem gesicht, dz ist der pflucg zu baiden seitten.
Item die dritt haisst der alber da schikh dich also, setz den rechten fuss vor, und halt dein schwert mit dem rechten arm vor dir mit dem ort spitz auf der erden und dz die kurtz schneid oben gerandt sei:
Item die 4 huet haisst vom tag da schikh dich also mit, und setz den lingkhen fuss für und halt dein schwert mit auf gerechten arm hoch uber dein haubt mit dem spitz und stehe also in der huet
Das ist der tex von den 4 versetzen
Vier seind der versetzen die die mesiter oder legers auch sehr letzen, von versetzen huett dich geschichts ab ist dir nett es mureth dich g.m. du hast vor vermerkht von den huetten so soltu un? reissen ?? hauw den versetzen die 4 huetten brechen und dz die kron versetzen nit darfstu gehort wan ob seind 4 hauwen dz sei brechen;
Item der erst hauw ist der Krumhauwe der bricht die huet aus dem ochsen. item der ander hauw ist die zwerch bricht die huet vom tag, Item der dritt hauw ist der schilehr der bricht die huet die da haist der alber und wie du 4 huetten aus dem hauwen brechen solstu das findestu darvon? zu den heuwen geschriben darumb so huett dich dz du nit
