Page:MS Germ.Quart.2020 083v.jpg

Wer dir dem gesicht zu stest, den stos soltu mit dem vor=dern ort dainer stanngen abnemen, und in seinn gesicht stich mit welchem ort d[a]z sey,

Wann dich ainner fol lesst schlagen, ader deine straich gern abwischen, od[er] für geen, lest, damit du dich verschlagt, so zuckh die stanngen ab{ }leg wider yber stich, damit du dich versetzt, und wid[er] zu arbait kummen magst,

Leg dich mit deinnem linncken vues, für dein stanngen, in die hoch schlag kurtz durch gegen seinner linnckenn agsl, d[a]z er den straich mit fach, unnd trit ime lanng hinein, mit dem annderen straich so magstu wol neben im arbete,

Bruch

Wann dir einner durchschlegt, khurtz so laß in arbeithen, unnder far ims sprechfennster, das sin straich zwischen deiner baiden hannt khumb, darnach stos in mit deinnen ort in sein prusst,