Page:MS Germ.Quart.2020 147r.jpg

Fasst dich einer hinden bey dem Goller

Wennt dich gegen im, mitdem haubt, unden durch sein arm, so wurfstu ledig,

Fasst dich einer mit beden hennden fur der Brust,

So stoß im den rechten elbogen auf, Und dra dich durch und fach inn der wuest,

Ein Ringen

Wann du ainen mit deinr linckhen hannt nider mauß, seinnß rechten armß, gefasst, Und druckhst in damit zu ruckh, felt er dir dann mit seinr rechtn hant, von aussen Yber, dein linckhe, hant, Und druckht dir dein hant fasst an seinn brust, so var im mit dem selben elbogen in sein rechte seitn, Unnd sennckh dich nider, Unnd spring mit dem lincken fueß, hinter sein rechtn, Unnd greif im mit der rechtn hant, in sein kniebug, Unnd Wirf in vor dir nider

Wie hernach g:

finis des andern buchs Vom Ringen, das M. Ott dem g.g.gesetzt