Darnach soll der alt[1] haubtman dem Newen angenden haubtman Rechenschafft thun jn Beÿwesen der Burgerschafft vnnd dann die Brieder auch alle ding Rechnen vnnd Bezallen vnnd dann dem Newen haubtman die laden mit den Schlisseln vberantwurten /. hie zustellen mit Brieffen vnnd anderm als herkemen jst /.
Es soll auch kainer vnnserer Bruderschafft vber die laden gehn Es seien dann 3 mitainander /.
So soll man auch alle jme Namen vnnd ausrifft zu Schrifft[en] haben /.
Auch soll Ein Jeglicher der Ein Vidinus von vnsern Kaÿserlichen Freÿhait Brieffen nimet Oder hat der soll das an seinem lezten end wider gehn Franckfurt jn vnnser Bruderschafft bei seinem Rechten Eid vbersenden.
Vnnd seind diß die maÿster die vidimis Daruon haben /.
Hanns Dieterich von meiningen . Hans leÿzenberger . Vlrich holl. Connrat von wezfeldt. Conrat Gerhart. Hanns von Babentburg. Petter Faul Sebold Schiltknecht Hans Blaicher Petter Schweizer Diez arnoldt Petter weißkirch Petter Falckner
[?][2]
